Interview “Ibiganiro” with Emy Smith by Seth kaburungu [Burundi Gospel]

Emy Smith numwe mubaririmvyi baririmba indirimbo za guhimbaza no gutazira Imana (Gospel Music), atuye Ibujumbura, Burundi. Aramaze gusohora ama clip Video atari make, ayiwe nayandi afatanije nabandandi. Emy, yarashoboye kugiranira ibiganiro (Interview) na Seth kaburungu  kwiterambere ry’umuziki wiwe nintambuko agezemwo.

• Seth Kaburungu

  Watanguye uburirimvyi ryari, vyakujemwo gute?

• Emy Smith

  Natanguye ivyo kuririmba kuva nkiri muto cane mfise imyaka 5 gusa aho naririmba muri chorale y’abana mw’ishengreo rya Assemblies of God.

•  Seth Kaburungu

  Uvuye aho waciye uza kuri level iyahe?

• Emy Smith

  Nashishikaye umwuga wo kuririmba, hama Uhoraho nawe arankomeza, turasohora indirimbo zo gutazira no guhimbaza Imana kugeza na none, turacabandanya hamwe n’Imana uko ibandanya ibidushoboza

•  Seth Kaburungu

  Uramaze gusohoza urukurikirane (album) rwawe urumwe?

•  Emy Smith

  Oyaha, ariko nkuko nabivuze Imana idushoboje tuzobikora

• Seth Kaburungu

  Wifuza gushika kwiyihe ntambwe yuburirimvyi?

• Emy Smith

  Intambwe nipfuza gushikako y’uburirimvyi, Ica mbere harimwo kuvuga ubutumwa abantu bakihana nkuko Ijambo ry’Imana ribivuga muri Marc 16:15 ngo GENDA MUHINDURE AMAHANGA YOSE KUBA ABIGISHWA BANJE, Rero jewe nzobuvuga biciye mu ndirimbo no mu jwi Uhoraho yampaye, Ica kabiri, kumenyekanisha igihugu canje mu makungu kuko umucuraranzi niwe aba atwaye ibendera ry’igihugu?

• Seth Kaburungu

  Uravye kurugero ugezemwo, ubona ikurikirana canke ifise ico iterera mwiterambere ry’abaririmvyi?

• Emy Smith

  Ego.

• Seth Kaburungu

  Woba umaze gushika hanze yigihugu kuririmba canke muyindi mirimo yusanzwe mukora?

• Emy Smith

  Ego, twaratewe iteka n’Uhoraho ryo kuja muri Kenya muri Concert na Fortrna , turamaze kandi nogurerayo ibikorwa vy’Imana biciye mw’Imvugabutumwa murico gihugu nyene

• Seth Kaburungu

  Ubona gukoresha concert aricoroshe? Bitwara iki? Canke habonekayo inyungu nyabaki?

• Emy Smith

  Mu murimo w’Imana ntacoroshe na kimwe kibaho, bisaba ubwitange budasanzwe, Hama bisaba uburyo muga na cane cane ubwitange, Inyungu irimwo nuko Imitima y’abantu ifashwa

  Tubibutse kandi kuno muririmvyi akomeza imirimo yiwe, tuzobandanya tubamenyesha aho ibikorwa vyiwe bigeze