New Track: “Tuzosimbasimba” by Kaburungu FT Methuselah [Burundi Gospel]

Abaririmvyi bakomeye mumiziki y’Imana “Seth Vyamungu AKA KABURUNGU & Methuselah Nzisabira” bamenyekanira cane cane mumugwi wa UBS Gospel “Himbaza Collection”, baherutse gusohora kano karirimbo bise “Tuzosimbasimba” aho bakarikodiye muri Studio ya Methuselah Nz.

Inkuru itubwira neza ko Seth Kaburungu ari muri Dallas, akaba yahashitse itariki 15 Nzero (January) murino mwaka nyene wi 2013. Mubinyamakuru twabonye kumitandao, bari baravuzeko uno muririmvyi Kaburungu azosohorana indirimbo haba video canke amajwi atari make na Methuselah, none bakaba bashatse kubishira kumugaragaro ko itari imvugo gusa ariko bashishikara mubikorwa cane. Seth Kaburungu avuga ko agiye gukorana na Methuselah igihe kitari gito cane gose, kandi aremeza abanywanyi ko bagiye gukora ibintu bizobashimisha nabanywanyi bamara gushishikara babashigikiye no kubafata kumugongo. Methuselah avuga ko ugushira hamwe ari vyiza kandi bifise akamaro cane gose mubikorwa, arinaco yabonye kwari vyiza gutumako Seth Kaburungu bagakorana bari hafi na hafi kugirango ibikorwa bibandanye bija imbere, akongera akavuga: “twari nabagenzi ba hafi cane, nkabona kwari numwete mwinshi cane muri bino bikorwa, rero kuntambuko maze gushikamwo nabona ko itoherera hano. Kaburungu arazi ivyo gukora amavideo nanje nkamenya ivyo gukora amajwi, dushize hamwe tugafashanya muriki na kiriya mbona ko bikomeye cane gose naho abandi batabibona, ariko mumisi irimbere bagiye kubbibona nibamara kubona ivyo duhaye dukora”

Bano baririmvyi bavuga ko bafise vyinshi munteguro kandi ko bagiye kubishira kumugaragaro uko uburyo numwanya uzobakundira. Basaba abanywanyi kwama babashigikiye no kubafata kumugongo.